აბაშის ცენტრში ლიანდაგის გადასასვლელზე მატარებელი და მსუბუქი ავტომობილი ერთმანეთს შეეჯახა.
ავტომობილში 3 ადამიანი იმყოფებოდა. მათ მსუბუქი დაზიანებები მიიღეს და სასწრაფო სამედიცინო დახმარების ეკიპაჟმა დახმარება ადგილზე გაუწიეს. არსებული ცნობებით, მათი სამედიცინო დაწესებულებაში გადაყვანა საჭირო არ გამხდარა.
ადგილობრივების თქმით, გადასასვლელზე შლაგბაუმი არ არის. ავტომობილის მძღოლს ძრავი ლიანდაგზე გადასვლის დროს ჩაუქრა.