“რამდენად სწორია, კლინიკის წინ, სადაც უამრავი მძიმე პაციენტია, ჩაატარო პოლიტიკური მიტინგი და ბოლო ხმაზე ღრიალებდე?” – ნინო ნადირაძე

კლინიკა „ვივამედთან” ყოფილი პრეზიდენტის მიხეილ სააკაშვილის მხარდასაჭერ აქციას სოციალურ ქსელში ეხმიანება  კლინიკა „ვივამედის“ გენერალური დირექტორი, ნინო ნადირაძე.

როგორც კლინიკის დირექტორი  წერს, ძლივს შემოდიან სასწრაფოს მანქანები.

„რამდენად სწორია, კლინიკის წინ, სადაც უამრავი მძიმე პაციენტია, ჩაატარო პოლიტიკური მიტინგი და ბოლო ხმაზე ღრიალებდე, სად წერია და რაში წერია? ძლივს შემოდიან სასწრაფოს მანქანები, მერე ემპათიაზე ვერ დაასწრებ ლაპარაკს თან,” – წერს ნინო ნადირაძე.