19.8 C
Tbilisi
შაბათი, ოქტომბერი 16, 2021

ახალმა გამოჩეკილმა ბოსებმა გადაწყვიტეს, რომ პარტიის ინტერესები დაეყენებინათ ქვეყნის ინტერესებზე მაღლა – გახარია

- რეკლამა -spot_imgspot_img
- რეკლამა -spot_imgspot_img

პარტია „საქართველოსთვის“ თავჯდომარე გიორგი გახარია დღეს ქარელში შეკრებილ მხარდამჭერებს პარტიის მიზნებსა და სამოქმედო პრინციპებზე ესაუბრა, რომელთა დაცვითაც პარტია ინფრასტრუქტურის გაფართოებასა და საარჩევნო პროცესში შესვლას აპირებს.

„ყველას უნდა გვესმოდეს, რომ ჩვენც „ოცნებიდან“ მოვდივართ. მეც „ოცნებიდან მოვდივარ“. ჩვენ ეს არც გაგვიკეთებია და არ უნდა ვიკადროთ, ჩვენი წარსული არ უნდა ვლანძღოთ და ვაძაგოთ, იმისდა მიუხედავად, იმათმა რაც არ უნდა იკადრონ. იქ ჩვენი ბევრი ღირსეული მეგობარი დარჩა. „ოცნებაში“ მთავარი პრობლემა იყო, რომ რაღაც მომენტში პარტიამ უბრალოდ გადაწყვიტა, პარტიის იმ ვიღაც ახალმა გამოჩეკილმა ბოსებმა გადაწყვიტეს, რომ პარტიის ინტერესები დაეყენებინათ ქვეყნისა და სახელმწიფოს ინტერესებზე უფრო მაღლა. ეს იყო ჩემთვის მიუღებელი და ამიტომ წამოვედი“, – აცხადებს გიორგი გახარია თანამდებობის დატოვებისა და „ქართული ოცნებიდან“ წამოსვლის მიზეზზე.

„ზოგიერთმა ვერც გაიგო რას ნიშნავს, როცა ვთქვით, რომ რავის წინააღმდეგ არ ვართ. ზოგიერთმა ისიც ვერ გაიგო, როცა ვთქვით, რომ ჩვენ ჯერ „ნაცები“ უნდა დავამარცხოთ და მერე უნდა შევუდგეთ ხელისუფლებაში სრულად მოსვლას. რატომ ვამბობ ამას, რა თქმა უნდა, ჩვენ აქ უნდა გავიმარჯვოთ, მაგრამ „ნაცების“ დამარცხება ჩემს გაგებაში ნიშნავს იმას, რომ ცხრა წლის შემდეგაც, როდესაც ამ ხალხმა ჩვევა და რიტორიკა არ შეიცვალა და მაინც პარლამენტში შევარდნითა და ძალადობით უნდათ ხელისუფლებაში მოსვლა, არ შეიძლება, რომ ამ პარტიას ჰქონდეს იმხელა მხარდაჭერა, რომ მეორე იყოს და ყოველთვის ყველაზე დიდ ოპოზიციას ეძახდეს თავის თავს. ეს ვიგულისხმე, ეს ძალიან სწორია და დღესაც ამავე აზრზე ვარ“, – განაცხადა გახარიამ.
„საქართველოსთვის“ თავჯდომარემ პარტიის ახალი ოფისები დღეს ხაშურსა და ქარელში გახსნა.

- რეკლამა -spot_imgspot_img

ბოლო სიახლე

- რეკლამა -spot_img

მსგავსი სიახლეები

- რეკლამა -spot_img

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

ka Georgian
X