🔵1.ღაზაში საავადმყოფოს აფეთქებამ ისრაელი თავის მართლების რეჟიმში გადაიყვანა. რა მოხდა 7 ოქტომბერს, ყველას “გადაავიწყდა”. მთავარი თემა და კითხვაა, ვინ ააფეთქა საავადმყოფო?
🔵2.ბაიდენი ჩამოფრინდა ამოდენა გზაზე, პალესტინის ლიდერს ვერ შეხვდა, იორდანიის მეფემაც უარი თქვა შეხვედრაზე, რეგიონის ქვეყნების სამიტი ვერ ჩაატარა და დღესვე გაფრინდა.
🔵შევეხები საავადმყოფოს დაბომბვას, რეაქციებს, ვერსიებს, შესაძლო გართულებებს.
🔵ბაიდენი რომ ჩაფრინდა და განცხადება გააკეთა, სხვა მხარის გაკეთებულიაო და ბევრის გადატანა მოგვიწევსო, ალბათ გაეცანით.
ირანი, თურქეთი და სხვა ისლამური ქვეყნები, პირდაპირ ან ირიბად, ისრაელს ადანაშაულებენ. ირანის მხრიდან მუქარაც გაისმა.
რაც შეეხება აფეთქებას. იქიდან გამომდინარე, რომ სახალხო, ანუ უფასო საავადმყოფო იყო, დღევანდელ მძიმე სოციალურ ვითარებაში, არაა გამორიცხული, რომ შესასვლელთან ბევრი ადამიანი ყოფილიყო.
🔵იყო თუ არა 800, 500 ან ნაკლები, ვერ გეტყვით. ეჭვის ქვეშ არ ვაყენებ. უბრალოდ დაიბომბა სადგომი. ორ ვიდეოს დავდებ კომენტარებში და ნახეთ.
ერთ ვიდეოში, თუ ეს სწორი ვიდეოა, ჩანს რაკეტის მოხვედრის მომენტი, არ ჩანს რაკეტა, აფეთქება და მყისიერად ჩნდება ხანძარი.
მეორე ვიდეოში მხოლოდ ხანძარი და შემდეგ გადამწვარი მანქანები.
🔵ექსპერტიზას არ უნდა გაუჭირდეს იმის დადგენა, თუ დაახლოებით რა ტიპის ბომბი თუ რაკეტა იქნა გამოყენებულო.
ვიდეოებში ვერ ვიპოვე ისეთი ნგრევები, როგორიც მოჰყვება ხოლმე ისრაელის საავიაციო შეტევებს, როცა მყისიერად ინგრევა შენობები და მიწასთან სწორდება.
აქ კი მანქანებიც არ ჩანს ისე დაზიანებული, როგორც მძლავრი ბომბის ან რაკეტის მოხვედრის, აფეთქების შემთხვევაში. არ ჩანს ბომბის ან რაკეტის დაცემის ღრმული. დააკვირდით ორივე ვიდეოს.
🔵მეც დავაკვირდები სხვა ვიდეოებსაც. თუ წააწყდებით უკეთეს ვიდეოებს, ამიტვირთეთ კომენტარებში.
ერთი რამ ცხადია, რომ საინფორმაციო ფონი ისრაელისთვის კიდევ უფრო გაუარესდა. მოიმატებს მოწოდებები ცეცხლის შეწყვეტასთან დაკავშირებით.
ისრაელს დასახული ამოცანები არ გადაუწყვეტია. შესაბამისად, მათი გადაჭრა მოუწევს საინფორმაციო და საერთაშორისო საზოგადოების ზეწოლის ქვეშ.
ზოგიერთი ქვეყნის, განსაკუთრებით რუსეთის მხრიდან უხერხული უნდა იყოს კრიტიკა და მოწოდებები. პუტინი ხაზს უსვამს, რომ დაპირისპირებები მშვიდობიანად უნდა გადაწყდეს და ქვეყნებს შორის თანასწორ უნარიანობაზე საუბრობს. მერე ვინ უშლიდათ ან ვინ უშლით ჩვენთან მშვიდობიანად გადაწყვიტოს კონფლიქტი და თანასწორუფლებიანობა დაიცვას?! ეს ისე…
🔵ვითარება დაძაბულია როგორც ისრაელის სამხრეთში, ისე ჩრდილოეთში. ერთი მხრივ საჯარისო ოპერაციის ჩასატარებლად ბევრი შემაკავებელი ფაქტორია, მეორე მხრივ ნეთანიაჰუს მიერ დასახული ამოცანა, საფრთხის ნეიტრალიზება, ე.წ. სახმელეთო ოპერაციის გარეშე ვერ გადაწყდება.
🔵ჩემი აზრით, ხმელეთიდან და ზღვიდან მოულოდნელი, მძლავრი პასუხის ეფექტი დაკარგულია. საჯარისო ოპერაციის შემთხვევაში, იოლი და ხანმოკლე გასეირნება არ იქნება. ისეთი იარაღი არ ვიცი, რომ 40-50 მეტრზე და უფრო ღრმად მოწყობილი მიწისქვეშა გვირაბების უზარმაზარი ქსელი, იოლად გაანადგურონ. მოუწევთ გვირაბებში ჩასვლაც.
მოკლედ, ან მშვიდობაზე უნდა შეთანხმდნენ, რაც ჯერ შიდაპოლიტიკურადაა რთული, მერე საავადმყოფოს აფეთქების შემდეგ. ჩავარდა სამიტიც, ორმხრივი შეხვედრებიც. თუ ოპერაცია გაგრძელდება, მოკლე ვადებში მიზნები ვერ მიიღწევა. ამ პერიოდში კი შესაძლოა ომის გაფართოება.
ჰეზბოლასთან ისედაც გრძელდება დაპირისპირება. დღეს გააფართოვეს საევაკუაციო ზოლი 2-დან 5 კმ-მდე. ჩაერთვება თუ არა ირანი და სხვა ქვეყნები, მხოლოდ ამერიკასთან შესაძლო დაპირისპირება იყოს შემაკავებელი. შესაძლოა.
🔵ბოლო ათეულ წლებში მსგავსი დაპირისპირება ბევრჯერ იყო. თუმცა ახლა გაცილებით საშიშია ის ტალღა, რასაც ეს დაპირისპირება იწვევს, ვიდრე ადრე.
ჯერ-ჯერობით დუღილის ტემპერატურა იმატებს. სიამოვნებით წავიკითხავ მოსაზრებებს.
P.S. რაც წინა პოსტებში მიწერია, არ ვიმეორებ ხოლმე. ამიტომ თუ რაიმე ახლა გამოვტოვე, ან დაწერილი მაქვს, ან პოსტის თემას არ ეხება.
✅სოციალური ქსელი ამირან სალუქვაძე©