უცხო ქვეყნის მოქალაქე, რომელიც ყალბი დოკუმენტების გამოყენებით დიდი ოდენობით უძრავი ქონების დაუფლებას ცდილობდა, დაკავებულია. ამის შესახებ სახელმწიფო უსაფრთხოების სამსახური-ს უფროსის მოადგილემ, ლაშა მაღრაძე უწყებაში გამართულ ბრიფინგზე განაცხადა.
მისი ინფორმაციით, გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე ნაწილის „ბ“ ქვეპუნქტითა და 19, 180-ე მუხლის მესამე ნაწილის „ბ“ ქვეპუნქტით, რაც 6-დან 9 წლამდე ვადით თავისუფლების აღკვეთას ითვალისწინებს.
უწყების განმარტებით, კონტრდაზვერვის დეპარტამენტი ინტენსიურად ახორციელებს ოპერატიულ და საგამოძიებო ღონისძიებებს, რომლებიც მიზნად ისახავს საქართველოში უცხო ქვეყნის სპეცსამსახურებთან დაკავშირებული პირების გამოვლენასა და მათ მიერ ჩადენილი შესაძლო დანაშაულების აღკვეთას.
ჩატარებული ღონისძიებების შედეგად დადგინდა, რომ ბრალდებული ყალბი ოფიციალური დოკუმენტების გამოყენებით მოქმედებდა. კერძოდ, ის სხვა ქვეყნის მოქალაქის სახელით, ყალბი პასპორტის გამოყენებით, ცდილობდა დიდი ოდენობით უძრავი ქონების დაუფლებას.
გამოძიების ინფორმაციით, ბრალდებულმა სანოტარო მოქმედების გზით სცადა მესამე პირისთვის საქართველოში რეგისტრირებული უძრავი ქონების განკარგვის უფლების მინიჭება.
საქმეზე გამოძიება გრძელდება.