კრიშტიანო რონალდო 2024 წელს მსოფლიოს ყველაზე მაღალანაზღაურებად ფეხბურთელად დასახელდა. მოთამაშეთა ათეული გამოცემა „ფორბსმა“ გამოაქვეყნა.
39 წლის პორტუგალიელი ფეხბურთელის ანაზღაურებამ 285 მილიონი ამერიკული დოლარი შეადგინა. საიდანაც 220 მილიონი დოლარი კლუბიდან, კიდევ 65 მილიონი კი არასაფეხბურთო საქმიანობიდან აქვს.
Forbes-ის მონაცემებით, მსოფლიოს ათი ყველაზე მაღალანაზღაურებადი ფეხბურთელი 2024/25 წლების სეზონში 983 მილიონ დოლარს გამოიმუშავებს.
ამასთან, ამ თანხის უმეტეს ნაწილს საუდის არაბეთის კლუბების ფეხბურთელები იღებენ.
კრიშტიანუ რონალდუ Forbes-ის მიხედვით მსოფლიოს ყველაზე მაღალანაზღაურებადი ფეხბურთელების რეიტინგს ზედიზედ მეორედ და 10 წლის განმავლობაში მეექვსედ ლიდერობს.
2022 წელს პირველი ადგილი საფრანგეთის ნაკრების და იმდროინდელი ფრანგული კლუბის „პარი სენ-ჟერმენის“ თავდამსხმელმა კილიან მბაპემ დაიკავა. 2018-2020 წლებში სიის ლიდერი მესი იყო.
Forbes აღნიშნავს, რომ ყველა სპორტსმენს შორის, რომელსაც ჟურნალი 1990 წლიდან აკვირდება, მხოლოდ მოკრივე ფლოიდ მეივეზერმა შეძლო ერთ წელიწადში კიდევ უფრო მეტი შემოსავლის მიღება.
სიაში მეორე ადგილზე „ინტერ მაიამისა“ და არგენტინის ეროვნული ნაკრების კაპიტანი, მსოფლიოს 2022 წლის ჩემპიონატის გამარჯვებული ლიონელ მესია 135 მილიონი დოლარით, ხოლო მესამე პოზიციას ბრაზილიელი ნეიმარი (110 მილიონი დოლარი) იკავებს.
Forbes 2024 წლის ათეული ასე გამოიყურება:
1.კრიშტიანუ რონალდუ, „ალ-ნასრი“ – $285 მილიონი წელიწადში.
2.ლიონელ მესი, „მაიამის ინტერი“ – $135 მილიონი.
3.ნეიმარი, „ალ-ჰილალი“ – $110 მილიონი.
4.კარიმ ბენზემა, „ალ-იტიჰადი“ – $104 მილიონი.
5.კილიან მბაპე, მადრიდის „რეალი“ – $90 მილიონი.
6.ერლინგ ჰალანდი, „მანჩესტერ სიტი“ – $60 მილიონი.
7.ვინისიუსი, მადრიდის „რეალი“ – $55 მილიონი.
8.მოჰამედ სალაჰი, „ლივერპული“ – $53 მილიონი.
9.სადიო მანე, „ალ-ნასრი“, – $52 მილიონი.
10.კევინ დე ბრუინი, „მანჩესტერ სიტი“ – $39 მილიონი.
