ჩვენ ძალიან რთული ისტორიული წარსული გვაქვს, განსაკუთრებით ბოლო 30 წლის განმავლობაში, საბჭოთა კავშირის დაშლის შემდეგ,- ამის შესახებ საქართველოს პრემიერ-მინისტრი ირაკლი კობახიძე Euronew-ისთვის მიცემულ ინტერვიუში აცხადებს.
მთავრობის მეთაური აღნიშნავს, რომ ამ გამოცდილებით ქვეყანამ ბევრი რამ ისწავლა.
“ჩვენ ძალიან ბევრი რამ ვისწავლეთ და ეს გამოცდილება გვეხმარება ბოლო ათწლეულის განმავლობაში წარმოქმნილი ბევრი პრობლემის თავიდან აცილებაში. ჩემთვის, როგორც პოლიტიკოსისთვის, ეს გამოცდილება ძალიან სასარგებლო და მნიშვნელოვანია”,- განაცხადა ირაკლი კობახიძემ.
პრემიერ-მინისტრთან ინტერვიუ ევრონიუსის ეთერში დღეს, თბილისის დროით 23:00 საათზე გავა.
