სამხრეთ კავკასიის რეგიონში, საქართველოში ადგილი აქვს რეჟიმის შეცვლის მცირე ტიპურ მანევრს, რომელიც ბოლო კვირების განმავლობაში მიმდინარეობს, – ამის შესახებ ამერიკელმა პროფესორმა, საჯარო პოლიტიკის ანალიტიკოსმა ჯეფრი საქსმა ამერიკელ ჟურნალისტთან ტაკერ კარლსონთან ინტერვიუში განაცხადა.
მისი თქმით, აშკარაა, რომ საქართველოში მიმდინარე მოვლენებში ამერიკის ხელი ურევია.
„ჩვენ ვხედავთ ცხელ წერტილებს გარშემო, მაგალითად ავიღოთ საქართველოში, სამხრეთ კავკასიის რეგიონში, არის პატარა ტიპური რეჟიმის შეცვლის მცდელობა, რომელიც ბოლო კვირებში იქ მიმდინარეობს. ეს არ გამოუვათ, მაგრამ მიზანი იყო ამ რეგიონის დესტაბილიზაცია. ამაში აბსოლუტურად ნათელია აშშ-ის ჩარევა“, – აღნიშნა საქსმა.
მან ასევე რუმინეთში 24 ნოემბერს გამართული საპრეზიდენტო არჩევნები გაიხსენა. არჩევნების პირველ ტურში კელინ ჯორჯესკუმ გაიმარჯვა, თუმცა 2 დეკემბერს ქვეყნის საკონსტიტუციო სასამართლომ შედეგები გააუქმა.
„კიდევ ერთი უცნაური ეპიზოდი ვიხილეთ რუმინეთში. სადაც საპრეზიდენტო არჩევნების მეორე ტური გაიმართა და წამყვანი კანდიდატი აცხადებდა: „უნდა დავასრულოთ ომი უკრაინასთან“ და რუმინეთის უზენაესმა სასამართლომ არჩევნები გააუქმა რუსეთის ჩარევის ბრალდებით და კანდიდატმა, რომელიც მშვიდობისკენ მოუწოდებდა, არჩევნებში გამარჯვება ვერ შეძლო“, – აღნიშნა ჯეფრი საქსმა.
