თითქმის ნახევარი საუკუნეა, “ჩაკრულო” კოსმოსში მოგზაურობს
თითქმის ნახევარი საუკუნეა, ქართული მრავალხმიანობის უნიკალური ნიმუში -“ჩაკრულო” – კაცობრიობის გზავნილის ნაწილად შორეულ კოსმოსში მოგზაურობს. ამის შესახებ სოციალურ ქსელში საქართველოში ამერიკის საელჩო წერს.
1977 წლის 20 აგვისტოს, ფლორიდის შტატში მდებარე კეიპ კანავერალის კოსმოსური ცენტრიდან NASA-მ კოსმოსური ხომალდი Voyager 2 გაუშვა, რომელმაც შორეულ კოსმოსში ე.წ. „ოქროს ფირფიტა“ წაიღო.
ფირფიტა ერთგვარ გზავნილს წარმოადგენს დედამიწიდან იმ შემთხვევისთვის, თუ მას ოდესმე სხვა ცივილიზაცია აღმოაჩენს. მასზე ჩაწერილია სხვადასხვა ქვეყნის მუსიკა, ხმები, ფოტოები და მისალმებები, რომლებიც დედამიწაზე ცხოვრებისა და კაცობრიობის მრავალფეროვნების შესახებ მოგვითხრობს.
ამ შერჩეულ მასალებს შორის მოხვდა ქართული ხალხური სიმღერა — “ჩაკრულო”.
ასე იქცა ქართული მრავალხმიანობის უნიკალური ნიმუში კაცობრიობის საერთო გზავნილის ნაწილად და უკვე თითქმის ნახევარი საუკუნეა, “ჩაკრულო” შორეულ კოსმოსში მოგზაურობს. 🌍🎶🚀🇬🇪