თბილისში, ბოჭორმის ქუჩა N12-ში მაღაზია “ბეთლგრაუნდი”-ის სასროლეთში მომხდარი აფეთქების შედეგად დაღუპულთა რიცხვი სამამდე გაიზარდა.
ინფორმაციას საგანგებო სიტუაციების მართვის სამსახურში ადასტურებენ.
აფეთქება ბოჭორმის ქუჩა N12-ში, მაღაზია „ბეთლგრაუნდის“ სასროლეთში დღეს მოხდა. აფეთქების შედეგად სამი ადამიანი დაიღუპა. სამი დაშავებული მკურნალობას ხეჩინაშვილის კლინიკაში განაგრძობს, მათ სიცოცხლეს საფრთხე არ ემუქრება.
ექიმის ინფორმაციით, აფეთქების შედეგად დაშავებული სამი მამაკაციდან ერთი რეანიმაციაში, ორი კი ქირურგიულ განყოფილებაშია მოთავსებული.
როგოც შინაგან საქმეთა სამინისტროში აცხადებენ შეტყობინების მიღებისთანავე, ადგილზე გამოცხადდნენ შინაგან საქმეთა სამინისტროს შესაბამისი დანაყოფების თანამშრომლები, მათ შორის მეხანძრე-მაშველები, საპატრულო პოლიციისა და კრიმინალური პოლიციის წარმომადგენლები.
ამ დროისთვის ტარდება ყველა საჭირო ღონისძიება.