ვაკეში, თამარაშვილის ქუჩაზე სამართალდამცველებმა რამდენიმე პირი დააკავეს, მათ შორის „კოალიცია ცვლილებისთვის“ ერთ-ერთი ლიდერი ზურაბ ჯაფარიძე.
დაკავებას წინ უძღოდა დაპირისპირება საპოლიციო ძალებსა და მომიტინგეებს შორის.
მომიტინგეებმა, რომლებიც რუსთაველის გამზირიდან ჭავჭავაძის გამზირისკენ გადაინაცვლეს და ვაკის პარკის მიმართულებით მსვლელობას მართავდნენ, გზის გადაკეტვა სცადეს. რასაც პოლიციის წინააღმდეგობა მოჰყვა. მათ აქციის კიდევ რამდენიმე მონაწილე დააკავეს.
ამ დროისთვის ჭავჭავაძის გამზირზე მხოლოდ საპატრულო პოლიციის თანამშრომლები და აქციის რამდენიმე მონაწილე იმყოფება. აღდგენილია საავტომობილო მოძრაობაც.
