“ჰამასის” თავდასხმის შემდეგ გაუჩინარებული ქართველი ებრაელი, თამარ გოლდბერგი გარდაცვლილი იპოვეს.
ინფორმაციას სოციალურ ქსელში მისი და, მარი ლობატონი ავრცელებს.
„14 დღის შემდეგ ღმერთმა წაგვართვა იმედია, რაც მქონდა. დღეს გვითხრეს, რომ თამი ხოცვა-ჟლეტის დროს ცივსისხლიანად მოკლეს. ჩვენ ვერ ვნახავთ მის მთლიან სხეულს. ყველაფერი გავაკეთე, გპირდები, ყველაფერი გავაკეთე. ალბათ ზედმეტად სუფთა იყავი ამ საშინელი სამყაროსთვის. სამუდამოდ დაგვტოვე გულში. ბოდიში, რომ მოგიწია ჯოჯოხეთის გავლა და თუ შევაჯამებ ერთ წინადადებით: „შენ იცხოვრე ერთი წამით, ბოლო მომენტამდე. მიყვარხარ ჩემო დაო და არასოდეს დაგივიწყებ. დაკრძალვა კვირას გაიმართება”, – წერს დაღუპული ქალის და სოციალურ ქსელში.
თამარ გოლდბერგს ოჯახი 7 ოქტომბრის თავდასხმის შემდეგ ეძებდნენ. ის იმ მუსიკალურ ფესტივალს ესწრებოდა, სადაც “ჰამასმა” ორი კვირის წინ, გასართობად შეკრებილ ასეულობით ადამიანზე სასტიკი თავდასხმა განახორციელა. მუსიკალური ფესტივალის ჩატარების ადგილზე 260 ცხედარი აღმოაჩინეს.
