იტალიამ ისრაელთან თავდაცვის სფეროში თანამშრომლობის ხელშეკრულება შეაჩერა. ამის შესახებ იტალიის პრემიერ-მინისტრმა, ჯორჯია მელონიმ განაცხადა.
ინფორმაციას Politico ავრცელებს.
მელონის განცხადებით, იტალიის მთავრობამ არსებული ვითარების გათვალისწინებით მიიღო გადაწყვეტილება, შეეჩერებინა ისრაელთან თავდაცვის ხელშეკრულების ავტომატური განახლება.
აღნიშნული შეთანხმება 2003 წლიდან მოქმედებს და მისი განახლება ყოველ ხუთ წელიწადში ერთხელ ხდება. ხელშეკრულება მოიცავს სამხედრო მასალის გაცვლასა და ტექნოლოგიურ თანამშრომლობას ორ ქვეყანას შორის.
იტალიის პრემიერ-მინისტრმა ასევე აღნიშნა, რომ მანამდე, პარლამენტში გამოსვლისას, ისრაელი გააკრიტიკა ლიბანში განხორციელებული ქმედებების გამო.