ხვიჩა კვარაცხელიამ “ანჟერთან” საგოლე გადაცემა შეასრულა, “პარი სენ-ჟერმენმა“ კი მეტოქე 1:0 დაამარცხა და საფრანგეთის ჩემპიონი გახდა.
საფრანგეთის ლიგა 1-ის 28-ე ტურში პარიზელებმა მეტოქე საკუთარ მოედანზე მიიღეს და ჩემპიონობის გასაფორმებლად ქულაც ჰყოფნიდათ.
ანგარიში 55-ე წუთზე კვარაცხელიას გადაცემით გავიდა – ხვიჩამ მცველს ბურთი აართვა და საჯარიმოში დეზირე დუე მონახა, რომელმაც თავური დარტყმით პსჟ დააწინაურა.
ანგარიში აღარ შეცვლილა და პსჟ საფრანგეთის ჩემპიონი მეცამეტედ გახდა, ხოლო ხვიჩა კვარაცხელია პირველი ქართველი ფეხბურთელია, რომელიც ტოპ 5 ლიგიდან ორის (იტალია, საფრანგეთი) ჩემპიონი გახდა.
