“მწვანე ბარათის” გათამაშება დაიწყო – პოსტს საქართველოში ამერიკის საელჩო ავრცელებს და დაინტერესებულ პირებს მონაწილეობისთვის საჭირო აუცილებელ ინფორმაციას უზიარებს.
პროცედურები და ვადები ასეთია:
- მონაწილეობამდე სრულად გაეცანით ინსტრუქციას: https://bit.ly/DVGEO26;
- რეგისტრაცია დაიწყო 2 ოქტომბერს, 20:00 საათზე და სრულდება 5 ნოემბერს, 20:00 საათზე;
- რეგისტრაცია იყო და არის უფასო. ნუ გადაუხდით თანხას ვინმეს მონაწილეობისთვის;
- რეგისტრაცია ხდება მხოლოდ ამ ვებგვერდზე: dvprogram.state.gov;
- თაღლითობის მაღალი რისკის გამო ნუ მიმართავთ დამხმარე ორგანიზაციებს;
- რეგისტრაციისას მოგენიჭებათ უნიკალური კოდი, რომელიც უნდა შეინახოთ;
- სტატუსის გაგებას შეძლებთ უნიკალური კოდის გამოყენებით 2025 წლის 3 მაისიდან იმავე ვებგვერდზე: dvprogram.state.gov;
- აშშ-ის მთავრობა არ გამოგიგზავნით სტატუსის შესახებ შეტყობინებას;
- შერჩევის შემთხვევაში აშშ-ის მთავრობა არ უზრუნველყოფს რამე სახის პირად მომსახურებას, როგორიცაა მგზავრობის ხარჯები, საცხოვრებლის პოვნასა თუ დასაქმებაში დახმარება და სხვა;
- მწვანე ბარათის ლატარიაში შერჩევა არ იძლევა გარანტიას, რომ თქვენ მიიღებთ საიმიგრაციო ვიზას ან მიხვალთ სავიზო გასაუბრების ეტაპამდე. გთხოვთ, გაეცნოთ პროგრამის ინსტრუქციას: https://bit.ly/DVGEO26.
