პოლიტიკური სპექტრი იმდენად დეგრადირებულია, რომ არჩევნებზე დებატების გარეშე გავდივართ, – ამის შესახებ პარტია „გირჩის“ წევრი ალექსანდრე რაქვიაშვილი სოციალურ ქსელში წერს.
რაქვიაშვილის თქმით, „ნაცები“ და ნეონაცები იმდენად არ სცემენ პატივს თავიანთ ამომრჩეველს, რომ არც კი აპირებენ საკუთარი პოზიციის ახსნას და კრიტიკისგან დაცვას.
„პარტიები, რომლებიც უარს ამბობენ დებატებზე, „ოცნება“ იქნება ეს თუ, როგორც ამ შემთხვევაში, „ნაცები“ და ნეონაცები, იმდენად არ სცემენ პატივს, უპირველესად, თავიანთ ამომრჩეველს, რომ არც კი აპირებენ საკუთარი პოზიციის ახსნას და კრიტიკისგან დაცვას. და როგორ შეიძლება, ასეთ პარტიებს მისცე ხმა? ნუთუ ამათ ამომრჩეველს არ ეშინია, რომ, თუ ასეთი მშიშრები და მატყუარები არიან, მომავალში იმის საწინააღმდეგოს გააკეთებენ, რასაც ახლა ამბობენ?“ – წერს ალექსანდრე რაქვიაშვილი.
ცნობისთვის, „კოალიციამ ცვლილებებისთვის გვარამია, მელია, გირჩი, დროამ“ და „ერთიანობა – ნაციონალურმა მოძრაობამ“ პირველ არხზე დღეს საარჩევნო სუბიექტების დებატებში მონაწილეობაზე უარი განაცხადეს.
