დოკუმენტური ფილმი “ნულოვანი ტოლერანტობა” 14 წლის გიორგი ზერეკიძის ამბავს მოგვითხრობს. 2006 წელსა და შემდგომ პერიოდში საკუთარ თავზე გადახდენილ მოვლენებს მაყურებელს თავად გიორგი ზერეკიძე უამბობს.
გიორგი თავად იხსენებს და გვიყვება შემზარავი ტრაგედიის თითოეულ დეტალს, რომელიც მას და მის ოჯახს გამოატარა მჩაგვრელმა რეჟიმმა. ის იხსენებს 14 წლის ასაკში დაკავებას, მიზეზებსა და ციხეში გატარებულ წლებს.
ფილმში გამოყენებულია ფოტო, ვიდეო და აუდიო მასალები არქივიდან.
ფილმის ავტორის, გიორგი ზერეკიძის განცხადებით, საზოგადოებას უნდა შეახსენონ „ნაციონალური მოძრაობის“ ძალმომრეობითი პოლიტიკა.
,,რა თქმა უნდა, არ იყო მარტივი, მაგრამ საზოგადოებას უნდა შევახსენოთ „ნაციონალური მოძრაობის“ ძალმომრეობითი პოლიტიკა, რას წარმოადგენდა, როგორ ვიჩაგრებოდით მაშინ ადამიანები. სწორედ ამიტომ დღეს მოხდა ჩვენება ამ ფილმის, უფრო ფილმად გაკეთებული ნამდვილი ამბის“, – ამბობს გიორგი ზერეკიძე.