“ამ პოსტში ბალდის კანიონზე მიმდინარე მოვლენების შესახებ მინდა მოგიყვეთ.
ბევრმა თქვენგანმა ძალიან კარგად იცის ვინ ვარ მე და რა კავშირი გვაქვს მე და ჩემს ოჯახს ბალდასთან.
მე ადგილობრივი ვარ და ჩემს თანასოფლელებთან ერთად მეექვსე თვეა უკვე ვაპროტესტებ ამ პროექტს.
უკვე ორი თვეა ვცხოვრობთ კარავში და ვლაპარაკობთ ყველასთვის გასაგონად თუ რა უსამართლობა ხდება ჩვენს თავს.
ადგილობრივების სრული უმრავლესობა ხმამაღლა ამბობს(შესაბამისი პეტიციაც არსებობს) რომ მათ არანაირი ინფორმაცია არ ჰქონდათ ამ პროექტის შესახებ და მათთვის აზრი არავის უკითხავს. ამის აუცილებლობა კანონით არსებობს შესაბამისად ეს კანიონი უკანონოდ გაისხვისდა 40 წლით.
ეს არის ის პირველი მიზეზი რის გამოც ჩვენ გამოვხატეთ პროსტესტი.
ამას გარდა პროექტი არ შეესაბამება დაცული ტერიტორიის ეკო-ტურისტული განვითარების პრინციპებს, ამის შესაბამისი კვლევებიც კი არ ჩატარებულა.
ჩვენს სოფელში 8 ბუნების ძეგლი გვაქვს მაგრამ მიუხედავად იმისა რომ უკვე 10 წელია ბალდის კანიონის დაცული ტერიტორია შეიქმნა არ არსებობს არანაირი გეგმა თუ კონცეფცია, რისი მიხედვითაც ჩვენ ვაპირებთ ამ ადგილების განვითარებას. ამის ვალდებულება თვითონ დაცული ტერიტორიების კანონით გვაქვს გათვალისწინებული.
ინვესტორი რომელსაც დაცულმა ტერიტორიებმა მიჰყიდა კანიონი, ასევე უკანონოდ ეწეოდა სამუშაოებს, რის გამოც არაერთხელ დაჯარიმდა კომპანია, უამრავი სხვა საჩივრის საქმე წარმოების პროცესშია, რაც სამართლიან ქვეყანაში კიდევ უფრო მძიმე სასჯელს უნდა აკისრებდეს კომპანიას, მაგრამ რა თქმა უნდა აქაც აშკარა გულგრილობას ვხვდებით აღმასრულებელი ორგანოების მხრიდან.
ამავე ივესტორმა მიიტაცა პროექტში გათვალისწინებული ტერიტორიის გარდა სახელმწიფოს ტერიტორია და მასზე აწარმოებდა უკანონო სამუშაოებს, რასაც შველის სიცოცხლე შეეწირა.
ადგილობრივ მაცხოვრებლებს არაერთხელ მოგვაყენეს სიტყვიერი და ფიზიკური შეურაცხყოფა, რის გამოც 2 სისხლის სამართლის საქმეა აღძრული ინვესტორის მიმართ.
მას შემდეგ რაც 4 ადგილობრივს კომპანიის 15-მდე თანამშრომლელი ფიზიკურად და სიტყვიერად გაგვისწორდა, სოფლის მოსახელობამ კანიონთან მისასვლელი გზა გადაკეტა კომპანიის თანამშრომლებისთვის და უკვე თითქმის 2 თვეა სამუშაოები შეჩერებულია, ადგილობრივები კი მაინც ვაგრძელებთ ჩვენს პროტესტს კარავში.
ეს ბრძოლა გადამწყვეტი არის ჩვენი მომავლისთვის, ზუსტად ამის გამო გადავდეთ განზე ყველამ ჩვენი პირადი ცხოვრება და გავერთიანდით იმის დასაცავად, რაც ყველაზე ძალიან გვიყვარს. ეს კანიონი სოფლის სავიზიტო ბარათია, ჩვენ მას სათავეს ვეძახდით და მთელი ბავშვობის ყველაზე ძვირფასი მოგონებები ამ ადგილს უკავშირდება.
სულ რომ კანონი არ გავალდებულებდეს, პირველ რიგში არსებობს ადამიანური მორალი. როგორ შეიძლება მიხვიდე სხვის სოფელში უკითხავად შემოღობო მათი საკუთრება და აუკრძალო იმ ადგილით სარგებლობა, სადაც მთელი ცხოვრება აქვთ გატარებული!?
ვასილ გაბუნია იყო ერთ-ერთი პირველი ვინც დაინტერესდა ბალდის ბუნებით და თუ ვინმეს აზრი უნდა ვკითხოთ ამ ბუნების ძეგლების შესახებ, ერთი აუცილებლად ბატონი ვასილი იქნება. უყურეთ მის ვიდეოს 
აქვე დავურთავ დამოუკიდებელი ექსპერტის დასკვნას. გაეცანით მიმაგრებულ ფაილს სრული სურათის სანახავად.”
✅ სოციალური ქსელი- თაზო რუხაია©
