ესპანეთში ივნისის თვეში სიცხესთან დაკავშირებული 1 029 გარდაცვალების შემთხვევა დაფიქსირდა. ამის შესახებ ქვეყნის ჯანდაცვის სამინისტროს სიკვდილიანობის მონიტორინგის სისტემის მონაცემებშია აღნიშნული.
ქვეყანაში ხუთდღიანი ძლიერი სიცხის ტალღა დაფიქსირდა, რომლის დროსაც ჰაერის ტემპერატურა 40 გრადუს ცელსიუსს აღემატებოდა. მეტეოროლოგიური სააგენტოს (AEMET) ინფორმაციით, 2026 წლის ივნისი დაკვირვებების ისტორიაში მეორე ყველაზე ცხელი ივნისი გახდა, 2025 წლის შემდეგ.
ოფიციალური მონაცემებით, ივნისში საშუალო ტემპერატურა ნორმაზე 3,2 გრადუსით მაღალი იყო.
23 ივნისს, სიცხის პიკის დროს, ჯანმრთელობისთვის რისკის ზონაში ქვეყნის მოსახლეობის დაახლოებით 73% – 35,7 მილიონი ადამიანი იმყოფებოდა, მათგან 38% მაღალი რისკის ქვეშ იყო.
AEMET-ის ინფორმაციით, 1975 წლიდან დღემდე ივნისში 12 სიცხის ტალღა დაფიქსირდა, რომელთა ნახევარი ბოლო ათწლეულში მოხდა.
ამასთან, 1961 წლიდან მოყოლებული, ყველაზე ცხელი 13 ივნისი სწორედ 21-ე საუკუნეში დაფიქსირდა.
მეტეოროლოგების შეფასებით, ეს მიუთითებს, რომ ზაფხულის დასაწყისში ექსტრემალური სიცხეები გაცილებით ხშირი ხდება.
ივნისის განმავლობაში ქვეყნის სხვადასხვა რეგიონში ტემპერატურის 165 მაქსიმალური და 225 მინიმალური რეკორდი მოიხსნა.
ესპანეთის მეტეოროლოგიური სააგენტოს განცხადებით, მიმდინარე ზაფხულის პირველი სიცხის ტალღა ქვეყნის ჩრდილოეთ ნაწილში განსაკუთრებული იყო როგორც ინტენსივობით, ისე ხანგრძლივობით.