ჩემი ულამაზესი სოფელი ბალდა, თავისი ადგილ-მდებარეობით, ბუნებით, მთებითა და მისი ჩანჩქერებით, ერთ-ერთი ყველაზე ლამაზი ადგილია საქართველოში (და არა მარტო საქართველოში) და როგორ უნდა გაბედოს ვინმემ, 40 წლით დაიკანონო სხვისი ადგილ-სამყოფელი. ადგილობრივები კი დატოვო ისე, რომ მისვლაც აუკრძალო ან ფული შენ უნდა გადაგიხადონ..
თუ გონზე ხარ ადამიანი,(ინვესტორი, დაცული ტერიტორიების სააგენტო,მარტვილის მერია, სოფლის გამგებელი და ყველა, ვისაც წვლილი გაქვთ ამ საქმეში) როგორ შეიძლება სურვილი გაგიჩნდეს, იქაური ველური და ხელშეუხებელი ბუნება, ჩააბეტონო და ამას დაარქვა “კეთილმოწყობილი” ბილიკები და ინფრასტრუქტურა?!..
ჩაბეტონების გარეშეც შეიძლება, ბალდის კანიონზე ტურისტული ინფრასტრუქტურის მოწყობა- ისე,რომ ავთენტურობა შენარჩუნდეს და იქაურობა არ ჩაბეტონდეს და ყველაფერი გალიაში არ მოაქციოთ.
1. დადოს დაცული ტერიტორიების სააგენტომ- რა კვლევა ჩაატარა, ვინ შეისწავლა გარემო და რამდენად შესაძლებელია ინვესტორის მიერ დაგეგმილი პროექტის განხორციელება?.
ფაქტია, რომ პროექტის განხორციელების მიზანი, მოკლე დროში ინვესტორის გამდიდრებაა , და გრძელ პერსპექტივაში რას მოუტანს სოფელს, რისკები ვინმემ გამოთვალა?
2. რატომ მოხდა ტერიტორიის გასხვისება 40 წლით, ისე, რომ ადგილობრივების ძირითადმა ნაწილმა, არაფერი იცოდა. ან რა ვალდებულება აიღო ინვესტორმა, სოფლის წინაშე, თუ მხოლოდ საკუთარი გამდიდრებისთვის ეპატრონება იქაურობას?
მარტივი ჭეშმარიტებაა, რომ როცა ინვესტორი, ინვესტიციას დებს, აუცილებლად უნდა გაითვალისწინოს ადგილობრივი მოსახლეობის საჭიროება და მოერგოს იქაურობას , ასევე გარკვეული ვალდებულებები აიღოს სოფლის წინაშე, რაც სახელმწიფომ უნდა დაავალდებულოს..
ინვესტორი, ამბობს: ახლა 20 კაცია დასაქმებული, პროექტის დასრულების შემდეგ ნახევარს დავითხოვთ და ნახევარს დავასაქმებთო, რა გამოდის 10 კაცს დაასაქმებს?
3 შეჩერდეს პროექტი! – ან ჩანაცვლდეს ახლით, ისე, რომ ადგილობრივთა ინტერესებსაც იყოს მორგებული და არა მხოლოდ ინვესტორისას..
