🔵სასხორის წმინდა გიორგის სახელობის ტაძრის მრევლი პატრიარქის მოსაყდრეს, მეუფე შიოს მიმართავს:
🔵”ეს დღეები თვალს ვადევნებ მამა პეტრეს გარშემო ატეხილ ამბავს. ვიცოდი, რომ უამრავ ადამიანს უყვარდა, მაგრამ თუ ასეთი გამოხმაურება იქნებოდა, მაინც ვერ ვიფიქრებდი…
🔵მამა პეტრემ მართლა გავერანებული, მიწასთან გასწორებული ტაძარი ჩაიბარა… სანაგვედ ქცეული, რომელშიც საწოლები იდგა და ვითომ ბერებს, რომლებიც ანაფორით დადიოდნენ, მეძავები აჰყავდათ, ტაძრის შიგნით ცხვრის ხორცს ხარშავდნენ და რაც დამპყრობლებს გადაურჩათ, თავად ანადგურებდნენ…
🔵მეუფე შიოს მადლობა მინდა გადავუხადო, რომ მამა პეტრე დაინიშნა ჩვენ სოფელში და მახსოვს პირველი წირვა, 12 აგვისტოს, დიდგორობას ჩატარდა, სოფლის აღმართზე ტევა არ იყო… თან გვიხაროდა, თან გვიკვირდა, მამა პეტრე რომ სოფლის ეკლესიას სტუმრობდა… მის ადგილას ზოგიერთი ვაკეს, ან საბურთალოს მოითხოვდა, მაგრამ მისი ადამიანობაც ზუსტად ამაში ვლინდება, რომ გულით ემსახურება ღმერთს… სოფლის მოსახლეობამ ძალიან შეიყვარა, კვირიდან კვირამდე მის მოსვლას ელოდებიან, მისი მართალი სიტყვის მოსმენას, რომელიც სახარების გარდა, არის ისტორიის, ლიტერატურის, ხუროთმოძღვრების ღია გაკვეთილები…
🔵მამა პეტრემ სოფელი გამოაცოცხლა…
🔵ის ძალიან უყვართ არა მხოლოდ ჩვენთან, , ყველგან, სადაც მასზე ვსაუბრობ…
🔵დღეს ყველაზე მეტად გვჭირდება ბევრი მამა პეტრე, რომ ახალგაზრდობა უარესად არ ჩამოშორდეს ეკლესიას…
🔵მეუფე შიო, წმინდა სინოდის წევრებო, მამა პეტრეს შენიშვნას მისცემთ კი არა, მადლობა გადაუხადეთ, რომ ეკლესიას ჰყავს ასეთი ნიჭიერი, განათლებული, მოაზროვნე და გულით ქრისტიანი ადამიანი…
🔵პირიქით სთხოვეთ, წასვლა არ მოუნდეს, არც ეკლესიიდან და მითუმეტეს ქვეყნიდან… ის არსად დაიკარგება, მისი ნიჭიერება უსაზღვროა… ის თავს ყველგან ბედნიერად იგრძნობს, მაგრამ ჩვენ აუცილებლად დავბრკოლდებით თქვენზე-მეუფე შიო, დავბრკოლდებით სინოდის დანარჩენ წევრებზეც… კარგად ვიცით, ჩვენი მამა პეტრე როგორ უყვარს პატრიარქს, როგორ აფასებს მის ინტელექტს…
🔵მეუფე, სოფელში რომ გაბრწყინებული თვალებით ამოვიდა მამაო, ასე თქვა, მეუფე შიო თავად ხელოვანია და ხელოვანი ადამიანის ყველაზე უკეთ ესმისო…
🔵გვინდა, რომ ამის გვჯეროდეს!…
🔵ისიც ვიცით, ბევრი მაგინებელი ჰყავს… ბნელები და უწიგნურები, ფანატიკოსები და კაცთმოძულეები ვერ იტანენ მის ნათელ მხარეს…
მამა პეტრეს ,,გუჩის” სათვალეებში და ბიგ-ბენის ფონზე შლიაპით გადაღებულ ფოტოში უფრო მეტად ვგრძნობთ ღმერთს, ვიდრე ზოგიერთ ,,ასკეტ” სასულიერო პირში, რომელიც ვითომ გამუდმებით ლოცულობს, მაგრამ გული შურისძიებით აქვს სავსე!..
🔵თქვენ თუ მამა პეტრე შესწირეთ მათ ავადმყოფურ მიდგომებს, მაშინ იცოდეთ, ყველა ჩვენგანსაც სწირავთ და ჩვენ ცოტანი არ ვართ!…
🔵დაგვლოცეთ და ვიმედოვნებთ, მამა პეტრეს მალე ვიხილავთ ჩვენ პატარა ტაძარში, რომლის არსებობა სოფლის მოსახლეობის რაღაც ნაწილმაც არ იცოდა, მაგრამ მამა პეტრეს წყალობით მთელმა ქვეყანამ გაიგო!…”
✅სოციალური ქსელი – სასხორის წმინდა გიორგის სახელობის ტაძრის მრევლი©️
