უკრაინის გენერალური პროკურორის ყოფილმა მოადგილემ, დავით საყვარელიძემ განაცხადა, რომ ტრამპისა და ჰარისის გუნდები პუტინის დამარცხებას მიზნად არ ისახავენ.
ინფორმაციას ამის შესახებ უკრაინული მედია ავრცელებს.
„ვპასუხობ ყველაზე ხშირად დასმულ კითხვას: ვინ იქნება ჩვენთვის საუკეთესო პრეზიდენტი? ტრამპი თუ ჰარისი? მე ვფიქრობ, რომ უკრაინა (როგორც ყველაზე სუსტი რგოლი) აგრესიული, არაცერემონიული და ღია ზეწოლის ქვეშ მოექცევა რუსებთან „გარიგების“ დადების მიზნით. გასაგებია, რომ ჩვენზე ზეწოლა უფრო ადვილია, ვიდრე პუტინზე. ბუნებრივია, ტრამპს არ აინტერესებს, როგორ იმოქმედებს ეს უკრაინის მთლიანობაზე.
რაც შეეხება მეორე კანდიდატს [კამალა ჰარისი], იგივე პროცესი უფრო ნელა, მტკივნეულად, ცინიკურად განვითარდება (როგორც ახლა), წვეთოვანი სამხედრო ინექციებით და დახმარების დაგვიანებით. კულისებს მიღმა ქმედებებით.
მთავარი პრობლემა ის არის, რომ არცერთი გუნდი მიზნად არ ისახავს პუტინის დამარცხებას. და არცერთ მათგანს ეს არ აქვს პოლიტიკურ დღის წესრიგში“, – აღნიშნა დავით საყვარელიძემ.
https://x.com/sakvared/status/1853196862779498614
