დაცულების თავმჯდომარე კანიონების მიმართ განსაკუთრებული ლტოლვით ყოფილა შეპყრობილი.
ბალდის კანიონი
• 2022 წელს ბალდის კანიონის აუქციონი ისეთი პირობებით გამოცხადდა, რომლის შესრულებაც ერთადერთ კომპანიას შეეძლო. ბევრჯერ ითქვა საჯაროდ, რომ თურმე მხოლოდ ამ გუნდს შეუძლია მსგავსი ტიპის როლერის ატრაქციის გაკეთება, არა თუ საქართველოში, არამედ ამიერკავკასიაშიც კი.
• 2022 წლის 5 ნოემბერს აუქციონი გამოცხადდა. 3 დღეში, 8 ნოემბერს შეიქმნა კომპანია “კანიონი 350”, რომელიც აუქციონის ერთადერთი მონაწილე იყო.
• საჯარო გამოსვლებში აღიარებენ, რომ აუქციონის გამოცხადებამდე 2 წლით ადრე დაიწყეს პროექტზე მუშაობა. მთელი ამ დროის განმავლობაში სოფელში მალულად დადიოდნენ. სწორედ ისეთ პერიოდში იგეგმებოდა ბალდის კანიონის გაიჯარების პროექტი, რომლის მეწილეც იმ სააგენტოს თავმჯდომარე აღმოჩნდა, რომელსაც ამ ხელშეკრულების გაცემაზე უნდა მოეწერა ხელი.
მარტვილის კანიონი
მართალია, სიმართლის გამოაშკარავების შემდეგ ბატონმა მჭედლიძემ თავი იმართლა – არაფერ შუაში ვარ, ჩემი დეიდაშვილი, რომელიც ამერიკაში ცხოვრობს, იმ კომპანიის მეწილეებს (მერკვილაძეებს) იცნობს და ამიტომ დედაჩემის სახელზე წილი მან გააფორმაო, მაგრამ სწორედ ბალდის კანიონის მეწილეებთან, მერკვილაძეებთან ერთად ფლობს კომპანიას, რომელიც მარტვილის კანიონში საქმიანობს.
დაშბაშის კანიონი
უშუალოდ მისი დაცული ტერიტორიების სააგენტოს თავმჯდომარის თანამდებობაზე ყოფნის დროს, 2021 წლის იანვარში, შეიქმნა კომპანია “დაშბაში”, რომელმაც დაშბაშის კანიონის მიმდებარედ, წალკაში, დაცული ტერიტორიის მოსაზღვრე, 5500 კვადრატული მეტრი არასასოფლო სამეურნეო მიწის ნაკვეთი უპირობო აუქციონის წესით დაისაკუთრა. ამ კომპანიის 33% დედის სახელზე აქვს გაფორმებული.
ნაცვლად იმისა, ბუნებას იცავდნენ – ისაკუთრებენ.
✅სოციალური ქსელი-სალომე სიმონია ©️