დღეს, ჩვენმა პროტესტმა კიდევ ერთი კანონდარღვევა გამოავლინა და შეაჩერა:
კომპანია შეეცადა, კანიონში ხრეში ჩაეყარა ისე, რომ კანონით მოთხოვნილი სამშენებლო მასალის ზედნადები არ ჰქონდა! სანაცვლოდ, ჩვენ და ჩვენს მიერ გამოძახებულ გარემოს ეროვნული სააგენტოს თანამშრომლებს უტიფრად გვითხრეს, მარტვილის მერიასთან შეთანხმებული გვაქვს ყველაფერი და ახლა სავალდებულო საბუთებს მერე, მოგვიანებით გაგვიკეთებენო.
ჩვენი ჩართულობის შედეგად, გარემოს დაცვის სააგენტომ შეაჩერა სამუშაოები. მათი თქმით, კომპანია 500 ლარით დაჯარიმდება.ველოდებით, ჯარიმის ოქმსა და კანონდარღევაზე შემდგომ რეაგირებას!
ზედნადების არქონა ნიშნავს, რომ უცნობია, რა წარმომავლობისაა სამშენებლო მასალა, რომელსაც კომპანია “კანიონი350” იყენებს. ის ნებისმიერი არალეგალური გზით შეიძლება იყოს მოპოვებული. ეს ეჭვი განსაკუთრებით ძლიერდება, თუ გავიხსენებთ, რომ 11 ოქტომბერს, ჩვენი ძალისხმებით გამოვლინდა ფაქტი, თუ როგორ უკანონოდ და თვითნებურად თხრიდა კომპანია მთას, სამშენებლო მასალის მოსაპოვებლად.იხილეთ, ვიდეო მასალა: https://rb.gy/w37so
დღეს გამოვლენილი შემთხვევა მხოლოდ ერთ-ერთია იმ უამრავ კანონდარღვევას შორის, რომელსაც კომპანია უშუალოდ მშენებლობისას, ყოველდღიურად ჩადის. კანიონის იჯარით გასხვისების გადაწყვეტილება და სამშენებლო ნებართვა მოსახლეობისგან ფარულად, უკანონოდაა გაცემული და სოფელი ბალდა მოითხოვს მის დაუყოვნებლივ გაუქმებას!