დიდი ბრიტანეთის პრემიერ-მინისტრმა რიში სუნაკმა დაადასტურა ჩრდილოატლანტიკურ ალიანსში უკრაინის გაწევრიანების მხარდაჭერა.
ამის შესახებ სუნაკმა მოლდოვაში ევროპული პოლიტიკური გაერთიანების მეორე სამიტის ფარგლებში ჟურნალისტებთან ისაუბრა.
„ვეთანხმები ნატო-ს გენერალურ მიდვანს, რომ უკრაინის კანონიერი ადგილი ნატო-შია, რაზედაც ჩვენ ვსაუბრობთ ახლა უკარინასთან ეს არის იმის უზრუნველყოფა, რომ მათ აქვთ ყველა საჭირო მხარდაჭერა წარმატებული კონტრშეტევისთვის“, – განაცხადა რიში სუნაკმა.
მისი თქმით, ის ამაყობს ბრიტანეთის გამოცდილებით უკრაინის დახმარების თავლსაზრისით და აღნიშნა, რომ სურს იყოს დარწმუნებული, რომ აკეთებენ ყველაფერს უკრაინის წარმატებისთვის.
„ჩვენ გვსურს ვიყოთ დარწმუნებულები, რომ შევქმენით უსაფრთხოების მექანიზმი უკრაინისთვის გრძლევადიან პერსპეტქივაში, ამიტომ ჩვენ ვუგზავნით ძალიან ძლიერ სიგნალს ვლადიმრი პუტინს, რომ ჩვენ არსად მივდივართ, ჩვენ ვიქნებით აქ და გავაგრძელებთ უკრაინის მხარდაჭერას არა მხოლოდ ახლა, არამედ მომდევნო წლებშიც“, – განაცხადა სუნაკმა.
სუნაკთან შეხვედრის დროს მოლდოვაში, უკრაინის პრეზიდენტმა ვოლოდიმირ ზელენსკიმ მადლობა გადაუხადა შორ მანძილზე მოქმედი რაკეტების Storm Shadow-ის მიწოდებისთვის.
